तनहुँमा जंगली च्याउ खाँदा एकै परिवारका पाँच बिरामी

तनहुँ– तनहुँमा जंगली च्याउ खाँदा एकै परिवारका पाँच जना बिरामी परेका छन्। च्याउ खाएर देवघाट गाउँपालिका–५, साउनेका ४२ वर्षीय कृष्ण भुजेलको परिवारका सदस्य बिरामी परेका हुन्।

बिरामी परेकामध्ये कृष्ण र उनका छोरा १५ वर्षीय धनलालको अवस्था गम्भीर रहेको र दुवैको चितवनको भरतपुरस्थित पुरानो मेडिकलमा उपचार भइरहेको प्रहरीले जनाएको छ।

त्यसैगरी, कृष्णकी ४० वर्षीया पत्नी तथा छोराहरु २१ वर्षीय तीर्थ र १७ वर्षीय मीनबहादुरको चितवनकै भरतपुर अस्पतालमा उपचार भइरहेको इलाका प्रहरी कार्यालय, देवघाटका प्रहरी नायब निरीक्षक उज्वल तिलुवालले जानकारी दिए।

प्रतिक्रिया दिनुहोस्